പരിശീലന കാലയളവിലെ മികവ് തെളിയിക്കാന് ഇതാ സമയമായി. നാളെ പുലര്ച്ചെ നാലുമണിയോടെ എഴുന്നേല്ക്കുക. ശുചിമുറിയിലെ ശീലങ്ങള്ക്കുശേഷം അല്പം ഭക്ഷണവും വെള്ളവും ഉടനെ കഴിക്കുക. തലേന്ന് തയ്യാറാക്കി വച്ചിരിക്കുന്ന മാരത്തണിനുള്ള ടീ-ഷര്ട്ട്, ഷോട്സ് എന്നിവ അണിഞ്ഞ് ചെറുതായി വാം അപ് തുടങ്ങുക.
തലേന്നു തന്നെ തയ്യാറാക്കി വയ്ക്കേണ്ടവ
1) ടീ-ഷര്ട്ട്, ഷോട്സ് , ഷൂസ് , സോക്സ്, ചെസ്റ്റ് നമ്പര് (ഇവ അണിഞ്ഞുതന്നെ ഹോള്ഡിങ് ഏരിയയില് എത്തുക)
2) മൊബൈല് ഫോണ് - ഇയര് ഫോണ് (പാട്ടുകേട്ടാണ് നിങ്ങള് പരിശീലനം നടത്തിയിരുന്നതെങ്കില്)
3) ചെറിയൊരു കുപ്പിയില് വെള്ളം.
ഹോള്ഡിങ് ഏരിയയില് എത്തിക്കഴിഞ്ഞ്
1) പുലര്ച്ചെ 5.30നാണ് 21 കിലോമീറ്റര് ഹാഫ് മാരത്തണില് പങ്കെടുക്കേണ്ടവര് കൊച്ചി മറൈന്ഡ്രൈവിലെ ഹോള്ഡിങ് ഏരിയയില് എത്തേണ്ടത്. അത് കൃത്യമായി പാലിക്കുക.
2) ഓട്ടത്തിന് മുന്നോടിയായുള്ള വാം അപ് തുടങ്ങുന്നതിന് മുന്പ് അല്പം വെള്ളം കുടിച്ച ശേഷം മൂത്രം ഒഴിക്കുക.
3) വാം അപ്പിനായി അവിടെ നല്കുന്ന നിര്ദേശങ്ങളില് നിങ്ങള്ക്ക് കഴിയുന്നത് മാത്രം ചെയ്യുക.
4) പ്രമുഖ രാജ്യാന്തര-ദേശീയ ഓട്ടക്കാരെയാണ് മുന്നില് നിറുത്തുക. അവര്ക്ക് പിന്നിലായി പ്രായക്രമത്തിലുള്ള സംഘങ്ങളും അണിനിരക്കും. നിങ്ങളുടെ പ്രായത്തിലുള്ള സംഘത്തില് അണിചേരുക.
5) തുടക്കത്തില് വലിയൊരു തിരക്കും തള്ളലും ഉണ്ടെങ്കിലും രണ്ട് കിലോമീറ്റര് കഴിയുന്നതോടെ സ്ഥിതി ശാന്തമാകും.
6) പോകുന്ന വഴിയില് വിവിധ സ്ഥലങ്ങളിലായി വെള്ളവും കഴിക്കാനുള്ള വസ്തുക്കളുമെല്ലാം വൊളന്റിയര്മാര് നിങ്ങള്ക്കുനേരെ നീട്ടും. ആവശ്യമെങ്കില് മാത്രം വാങ്ങുക.
7) വെള്ളം ലഭിക്കുന്ന കുപ്പി, ശരീരം തണുപ്പിക്കാന് ലഭിക്കുന്ന സ്പോഞ്ച് എന്നിവ അലക്ഷ്യമായി റോഡില് എറിയാതിരിക്കുക. അത് പിന്നാലെ എത്തുന്നവര്ക്ക് ബുദ്ധിമുട്ട് സൃഷ്ടിക്കും. കഴിവതും റോഡിന്റെ വശങ്ങളിലേക്ക് കളയുക.
8) തുപ്പണമെന്ന് പലപ്പോഴും തോന്നും. ഇതും പിന്നില് വരുന്നവരെ ശ്രദ്ധിച്ചുമാത്രം ചെയ്യുക.
9) മുന്പ് പറഞ്ഞിട്ടുള്ളതുപോലെ തന്നെ ആരോടും നിങ്ങള് മല്സരിക്കുന്നില്ല. നിങ്ങളുടെ സ്റ്റാമിനയോടുതന്നെയാണ് പോരാട്ടം. അതിനാല് ആരെങ്കിലും നിങ്ങളെ പിന്നിലാക്കി കടന്നുപോയാല് വിഷമിക്കേണ്ടതില്ല. മുന്നിലുള്ള ഒരാളെയെങ്കിലും മറികടക്കാന് കഴിഞ്ഞാല് അത് നിങ്ങളുടെ മികവാണ്.
10) ഫിനിഷിങ് ലൈനില് എത്തിയാല് അല്പനേരം നടന്ന് കൂള് ഡൗണ് ചെയ്തശേഷം മാത്രം മറ്റുകാര്യങ്ങളിലേക്ക് കടക്കുക.
സ്നേഹപൂര്വം ജോസ്കുട്ടി പനയ്ക്കല്.
മുൻപോസ്റ്റുകൾ http://josekuttymanorama.blogspot.in എന്ന ബ്ലോഗിലും www.fb.com/josekuttypanackalphotojournalist എന്ന ഫേസ്ബുക്ക് പേജിലും ലഭ്യമാണ്.
#KochiInternationalHalfmarathon #CochinMarathon #Marathon #Kochi #Cochin #Run #Race #LetsRunAgain #JosekuttyPanackal #ജോസ്കുട്ടിപനയ്ക്കൽ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ