മഴവില്ല് ഭൂമിയിൽ നിന്ന് ഒട്ടേറെ തവണ ക്യാമറയിൽ പകർത്തിയിട്ടുണ്ട്. കഴിഞ്ഞദിവസം ഒരു യാത്രക്കിടെയാണ് ഈ ദൃശ്യം കണ്ണിൽപെട്ടത്. ഇത് മഴവില്ല് അല്ലെന്നും മറ്റൊരു പ്രതിഭാസമാണെന്നുമൊക്കെ "ഗൂഗിൾ ദൈവങ്ങൾ" ആദ്യം പറഞ്ഞു. വിശദമായി ഒന്നുകൂടി ചോദിച്ചപ്പോൾ മഴവിൽ തന്നെ എന്നും പറഞ്ഞു. ആ ആർക്കറിയാം? ആ സമയത്ത് താഴെ മഴ പെയ്യുന്നുണ്ടായിരുന്നോ എന്ന് എന്നോട് ഒരു ചോദ്യവും ചോദിച്ചു. ജിപിഎസ് പ്രകാരം 12°52′24.1″N 79°51′43.06″E എന്നതിന് മുകളിലായിരുന്നു ഞാൻ. താഴേക്ക് നോക്കിയപ്പോൾ മഴ ഒന്നും കാണാനുമില്ല. സൂര്യപ്രകാശം ഭൂമിയിലേക്ക് പതിക്കുമ്പോൾ സംഭവിക്കുന്ന 'സൺ പില്ലർ' (Sun Pillar) അല്ലെങ്കിൽ 'ക്രെപ്സ്കുലർ റേയ്സ്' (Crepuscular rays) എന്ന പ്രതിഭാസമെന്നും, അതല്ല; പ്രകാശം മേഘങ്ങളിലെ ചെറിയ ജലകണങ്ങളിൽ തട്ടി പിന്നിലേക്ക് പ്രതിഫലിക്കുകയും (backscattering), ഒപ്പം പ്രകാശത്തിന്റെ വിവർത്തനം (diffraction) സംഭവിക്കുകയും ചെയ്യുമ്പോഴുണ്ടാകുന്ന ഗ്ളോറി പ്രതിഭാസമാണ് ഇതെന്നും ഗൂഗിളിന് തന്നെ മറ്റ് 2 അഭിപ്രായം. ഫിസിക്സ് പഠിച്ചവർ എന്തു പറയുന്നു? ഫ്യൂസായ ബൾബിനുള്ളിൽ വെള്ളം നിറച്ച് സൂര്യപ്രകാശം കടത്തിവിടുമ്പോൾ അപ്പുറത്ത് ഉണ്ടായ മഴവില്ല് മാത്രമേ എൻ്റെ സ്കൂൾ ഫിസിക്സ് കാലഘട്ടത്തിൽ ഉള്ളൂ. പുതിയ 'ലിപി' പഠിച്ചവർ എന്തെങ്കിലും പറയുന്നുണ്ടോ?
#rainbow #physics #glory #sunpillar #phenomenon
